Bu gün Gürcüstan Əhli beyt (ə) cəmiyyətinin Hüseyniyyəsində Gürcüstan Əhli-Beyt (ə) cəmiyyəti və onun nəzdində fəaliyyət göstərən Əhli Beyt (ə) Aşiqləri formu və Zeynəb (s.ə) Qadınlar Birliyinin təşkilatçılığı ilə “İnsan əməllərinə Quranın fəlsəfi baxışı” adlı elmi seminar qeyd olundu.

Elmi seminar Əhli Beyt məddahı Rza Cəfərinin Quran tilavəti ilə açıq elan olundu. Sonra məclisin aparıcısı Elçin Daşdanzadə Əhli Beyt (ə) Aşiqlər Formunun bölgədə olan əhəmiyyət və xidmətlərinə dəyər verərək forumun illik hesabatına toxundu və söhbətinin sonunda Əhli Beyt (ə) Aşiqlər Formunun xidmət göstərən üzvlərinə o cümlədən forumda olan ruhanilərə , Ağsaqqallar şurasının üzvləri və Zeynəb (ə) Qadınlar Birliyinə təşəkkür bildirdi.

Daha sonra Qum elmiyyə hövzəsinin ustadlarından dəyərli alim Məhəmməd Baqir Sayvəri “İnsan əməllərinə Quranın fəlsəfi baxışı” mövzusunda söhbət etdi. Dəyərli alim öz söhbətində Quran ayələri və əqli dəlillərə əsasən vurğuladı ki, insanın əməlləri elə insanın özündə bükülü yəni batini məlum olmayan şəkildədir və Qiyamət günü insanın özü vasitəsi ilə əməllərinin həqiqəti açıqlanar.

Seminar dua və ziyafət süfrəsi ilə yekunlaşdı.













Ahlibeyt.ge