Salavatın hansı faydaları var?
Mьəllif: admin1
Tarix: 18-02-2023, 14:24
Salavatın hansı faydaları var?
İslam dinində duanın xüsusi əhəmiyyəti vardır.

Bəzən insanlar duanın yardımı ilə hədəflərinə çatmaq istəyirlər, lakin bunu bilmək lazımdır ki, duanın bəzi şərtləri vardır.

Bəzi dualar müəyyən zamanda və müəyyən miqdarda və sayda oxunmalıdır ki, həmin təsiri göstərə bilsin.

İmam Sadiq (ə) buyurur: “Bilin ki, Allahın adları xəzinə kimidir, əgər ədədlərini bir qədər az və ya çox etsən, əvvəldə və ya axırda qoysan, xəzinəyə çata bilməzsən”.

Həzrət Peyğəmbərə (s) salavat göndərməyin fəziləti böyükdür. Hətta Allah Təala Özü bu işi görür və buyurur: “Həqiqətən, Allah və Onun mələkləri daim Peyğəmbərə salam (salavat) göndərirlər (Allah ona Öz xüsusi rəhmətini bəxş edir və mələklər onu vəsf və təqdis edirlər). Ey iman gətirənlər, ona salam (salavat) göndərin və tamamilə (onun əmrinə) təslim olun”. (“Əhzab” 56).

Salavatın fəzilətlərindən biri budur ki, duanın yerinə yetməsində böyük rola malikdir. Duanın əvvəlində və axırında salavat göndərmək onun yerinə yetməsinə səbəb olar. Hədislər buyurur ki, Allahın tərəzisində salavat qədər ağır çəkili əməl yoxdur.

Əgər hər kim ölməmişdən əvvəl İmam Zaman ağa (ə) ilə görüşməyini istəyirsə, salavatı bu cür desin:

«اللهم صل علی محمد و آل محمد و عجل فرجهم» (“Allahummə salli alə Muhəmmədin və Ali-Muhəmməd və əccil fəracəhum”)

Hər kim altmış hacətinə çatmaq istəyirsə və bu hacətlərin 30-u dünya və 30-u axirət üçündürsə o zaman yuxarıdakı salavatı 100 dəfə desin. Nə az olsun və nə də çox.

Bəs salavatın nə qədər savabı vardır?


Həzrət Peyğəmbər (s) buyurur: “Meracda bir mələk gördüm ki, minlərlə əli vardır. Hər əlində də minlərlə barmağı vardır.

Həmin mələk dedi: “Mən yağış damcılarının sayını bilirəm ki, neçə dənəsi səhraya və neçə dənəsi dənizə yağır. Xilqətin əvvəlindən indiyə qədər neçə damcı yağış yağdığını da bilirəm. Lakin bir hesab vardır ki, mən onu mühasibə etməkdən acizəm”.

Peyğəmbər (s) buyurur: “Nədir?”. Mələk deyir: “Nə zaman sənin ümmətinin camaatı bir yerdə olarlar, bir yerdə sənə salavat göndərərlər, mən salavatın savabını hesablamaqdan acizəm””.


Əbu Əlqəmə nəql edir: “Bir gün Peyğəmbər (s) sübh namazını bizimlə qıldı. Sonra üzünü bizə çevirib buyurdu: “Ey dostlarım! Mən dünən gecə əmim Həmzə ibni Əbdulmüttəlibi və qardaşım Cəfər ibni Əbu Talibi yuxuda gördüm. Onlardan soruşdum: “Sizə qurban olum, hansı əməli daha üstün gördünüz?”.

Dedilər: “Ən yaxşı əməli 3 şeydə gördük: Sizə salavat göndərməyi, susuzlara su verməyi, Əli ibni Əbu Talibin (ə) dostluğunu””.


Həzrət Peyğəmbər (s) buyurur: “Yüz salavatın qarşısında Allah yüz hacəti yerinə yetirər”. “Hər kim zöhr namazından sonra 100 dəfə salavat göndərərsə, Allah ona 3 mükafat verər:

1. Borclu olmaz, əgər olarsa Allah əda edər.

2. İmanını qoruyar ki, bu, ən böyük mükafatdır.

3. Qiyamət günü ona verdiyi nemətdən sorgu-sual etməz”.


Həzrət Peyğəmbər (s) nəql edir ki, Allah buyurur: “O bəndə ki, sənə salavat göndərər, 70 min mələk ona salavat göndərər. Hər kimə 70 min mələk salavat göndərər, behişt əhli olar”.


/Deyerler.org/
Oxşar xəbərlər
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031