Alimin qeybi agahlığı: “Keçən gecə səhərə yaxın feyz əldə etdim və başa düşdüm ki, öz tərəfimdən deyildir...”
Müəllif: admin1
Tarix: 6-09-2017, 21:45
Alimin qeybi agahlığı: “Keçən gecə səhərə yaxın feyz əldə etdim və başa düşdüm ki, öz tərəfimdən deyildir...”
Hacı Mirzə Cavad Ağa Mələki Təbrizi İslam dininin ən böyük fəqihlərindən olmuşdur. Bu alimin şagirlərindən olan Hüccətil-islam Hacı Seyyid Cəfər Şahrudi nəql edir: “Bir gecə Şahrudda olan zaman yuxuda gördüm ki, sanki İmam Zaman ağa (ə.f) səhrada bir dəstə insanlarla camaat namazı qılır. İrəli getdim ki, Həzrəti (ə.f) ziyarət edim və mübarək əlinə toxunam. İrəli gedən zaman İmamın (ə.f) yanında böyük bir şeyx gördüm ki, vüqar və camalı üzündən oxunurdu.

Oyanan zaman o şeyx haqqında düşünməyə başladım və özümdən soruşdum ki, bu insan kimdir ki, bu qədər İmam Zamana (ə.f) yaxınlığı vardır. Onu tapmaq üçün Məşhədə və paytaxta getdim. Ancaq onu görmədim. Nəhayət Quma gəldim və bu şeyxi hücrələrin birində tədris edən halda gördüm.

Bu alim mənə qarşı çox mehriban idi və dedi: “Nə zaman gəlmisən?”. Sanki məni tanıyırdı və nə istədiyimi bilirdi.
Bundan sonra onun yanında qaldım və feyzindən faydalandım”.

Bu alim Hacı Mirzə Cavad Ağa Mələki Təbrizi idi.

Alimin dostlarından biri nəql edir: “Hacı Mirzə Cavad bir gün mədrəsədə dərsi bitdikdən sonra tələbələrdən birinin hücrəsinə yollandı. Mən də onunla birlikdə idim. Bir qədər bu tələbənin yanında əyləşdi və ona ehtiramını bildirib, ayağa qalxdı. Yolda gedən zaman bu gəlişinin səbəbini ondan soruşdum.

Mənə dedi: “Keçən gecə səhərə yaxın feyz əldə etdim və başa düşdüm ki, öz tərəfimdən deyildir. Diqqət edib gördüm ki, bu tələbə gecə namazında mənim üçün dua edir. Bu feyz onun duasının təsirindəndir. Ona görə də təşəkkür etmək üçün görüşünə getdim””.

/Deyerler.org/
Oxşar xəbərlər
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031