İraqda cümə namazından çıxan imam-camaata sui-qəsd edildi
İraqın Süleymaniyyə şəhərinin Qəladizə rayonunda yerləşən Raman məscidinin imam-camaatı Hazim Siddiq Əli cümə namazından çıxanda naməlum şəxslərin silahlı hücumu nəticəsində həlak olub.
Deyerler.org İLKHA-ya istinadən xəbər verir ki, verilən məlumatlara görə, Əhmədi Dəri kimi tanınan Hazim Siddiq Əli, eyni zamanda Kürdüstan İslami Cəmiyyət Partiyasının (Komala İslami) üzvü idi.
Komala İslami-nin rəhbərlik şurasının üzvü Məhəmməd Həmə Saleh hadisə ilə bağlı belə danışıb: "Həzim Siddiq Əli Komalanın din xadimlərindən sayılırdı və uzun illərdir bu məsciddə imam-camaatlıq edirdi. Cümə namazından çıxanda ona açılan atəş nəticəsində həlak oldu".
Hücumla bağlı açıqlama verən Kürdüstan Diyanət İşləri və İslam Alimləri Birliyi də cinayətkarların tapılıb cəzalandırılmasını tələb edib. Oxşar xəbərlər
|