Günün hədisi: Şəhidlərlə birgə

Mьəllif: admin1

Tarix: 13-01-2019, 10:19

İmam Əli (ə):

مَا الْمُجَاهِدُ الشَّهِيدُ فِي سَبِيلِ اللهِ بِاَعْظَمَ أَجْرًا مِمَّنْ قَدَرَ فَعَفَّ

“Allah yolunda döyüşüb şəhadətə çatmış şəxsin məqamı heç də qalib gəldiyi halda bağışlayan (günah edə bildiyi halda, özünü günahdan saxlayan) kəsdən üstün deyildir” (“Nəhcül-bəlağə”, qısa kəlamlar 466).

Qısa izah

İslama görə, ən böyük cihad, xüsusilə azğın mühitlərdə nəfsi istəklərlə mübarizə aparmaqdır.

İnsanın öz düşməni ilə mübarizə aparması onun öz şəxsi istək və məqsədlərindən uzaqlaşaraq pak niyyət və ixlasla döyüşdüyü zamanlarda faydalı və səmərəli olacaqdır. Bunu nəfslə mübarizə zamanı və kifayət qədər əxlaqi keyfiyyətlərə malik olduqda həyata keçirmək mümkündür.

Elə bu baxımdam hədisdə deyilir:

Mübarizə meydanlarında öz istək və arzularına qalib gələn kəslər özlərini azğın mühitlərdə də pak və təmiz saxlayırlar. Belə şəxslərin məqamı Allah yolunda mübarizə aparan şəhidlərin məqamından heç də aşağı deyildir. Verilən hədisin ardınca, hətta bu cür kəslərin səmavi mələklərlə bir sırada dayandığı qeyd edilmişdir.

Maide.az

« Dekabr 2024 »

Ça