Dünya ədalət sorağında, ədalətsə Mehdi (ə) intizarındadır.

» » Gürcüstanda yol qəzası nəticəsində 4 nəfər ölüb

Gürcüstanda yol qəzası nəticəsində 4 nəfər ölüb

Gürcüstanda yol qəzası nəticəsində 4 nəfər ölüb

Gürcüstanda saat 16.00 radələrində ağır yol-nəqliyyat qəzası baş verib. APA-nın Gürcüstan bürosunun məlumatına görə, hadisə Poniçala-Marneuli magistral yolunun 12 kilometrliyində yerləşən Kumisi kəndində baş verib. Hadisə şahidlərinin APA-ya verdiyi məlumata görə, sürətlə hərəkət edən avtomobil magistral yolun kənarındakı təndirxanaya çırpılıb.

Nəticədə avtomobilin içində olan 3 nəfər hadisə yerində ölüb. Milliyyətcə gürcü olan qadın sərnişin isə müxtəlif xəsarətlərlə Marneulidəki xəstəxanaya çatdırıldıqdan sonra ölüb.

Hadisə nəticəsində ölənlərdən ikisi gürcü millətindən olan yaşlı qadın və gənc qız olub. Qəzada Marneuli sakini, 19 yaşlı bir azərbaycanlı gənc də ölüb. Qəza nəticəsində erməni millətindən olan 26 yaşlı sürücü də həyatını itirib.

Məlumata görə, qəza törədən avtomobil Marneuli sakini 19 yaşlı azərbaycanlı Talıb Allahverdiyevə məxsus olub.

Hadisə yerinə polis patrul xidməti və təcili yardım avtomobili gəlib. Qəza ilə bağlı araşdırmalar aparılır.
Müəllif: Admin | 5-01-2017, 22:46
Baxılıb: 3107
    
Hörmətli ziyarətçi, siz sayta qeydsiz istifadəçi kimi daxil olmusunuz. Biz tövsiyə edirik ki, saytda qeydiyyatdan keçin, əgər qeydiyyatdan keçibsiniz isə istifadəçi məlumatlarınızla sayta daxil olun.