Главная > Gürcüstan, Xəbərlər, Gundemm > Həzrəti Qeys ibn Səd ibn Ubadənin (r.ə) ziyarətgahında ərbəin (qırx) mərasimi keçirildi (Foto- Video)

Həzrəti Qeys ibn Səd ibn Ubadənin (r.ə) ziyarətgahında ərbəin (qırx) mərasimi keçirildi (Foto- Video)

21-11-2016, 21:27. Разместил: admin1

Ahlibeyt.ge xəbər verir ki, Gürcüstan Əhli-beyt (ə) cəmiyyəti, həmin cəmiyyətin nəzdində fəaliyyət göstərən "Əhli-beyt (ə)" Aşiqləri Forumu və "Zeynəb (s.ə)" Qadınlar Birliyinin birgə təşkilatçılığı ilə Peyğəmbər (s), İmam Əli (ə) və İmam Həsən (ə) xüsusi yavər və sahəbələrindən olan, eyni zamanda bütün Qafqazda İslam dininin xüsusi ilə Əhli-beyt (ə) məktəbinin yayılıb formalaşmasında böyük rolu olan Həzrəti Qeys İbn Səd İbni Ubadənin (r.ə) ziyarətgahında bu gün İmam Hüseyn (ə) və Kərbəla şəhidlərinin Ərbəin (qırx) mərasimi keçirildi.

Mərasim Kərbəlayi Elçin Daşdanzadənin Quran tilavəti və aparıcılığı ilə açıq elan olundu.

Mərasimin davamında İranın Pərənd şəhərinin möhtərəm imam cüməsi Məhəmməd Xədiri çıxış edərək Həzrəti Qeysin (r.ə) fəzilətindən və ərbəinin əhəmiyyətinə toxundu.

Sonra İranın Zəncan şəhərindən təşrif gətirmiş tanınmış Əhli-beyt (ə) məddahı Əli Kərəmi İmam Hüseyn (ə) şəninə rövzə və mərsiyyələr oxudu və Al-Mustafa Unversitetinin Gürcüstandakı nümayəndəsi Hacı Davud Zariinin "Fərəc" duası ilə yekunlaşdı.

Məclisin sonunda ehsan süfrəsi və Hacı Rasim Məmmədovun müəllifliyi ilə işıq üzü görən "Həzrəti Qeysin (r.ə)" həyatından bəhs edən kitab paylanıldı.

Qeyd edək ki: 2015-ci ildə İmam Hüseyn (ə) və Kərbəla şəhidlərinin Ərbəin (qırx) mərasimi Həzrəti Qeys İbni Səd İbni Ubadənin (r.ə.) qəbir ziyarətgahında keçirildi və həmin mərasimdə qərar qəbul olundu ki, hər il Ərbəin mərasimi bu müqəddəs məkanda qeyd edilsin və ənənəyə sadiq qalaraq bu ildə qeyd olundu.

Вернуться назад