İslamazeri.az-ın İran mediasına istinadən verdiyi xəbərə əsasən, cümə xütbəsində Tehranın İmam cüməsi İran şahının ölkədən qaçması gününün ildönümünə toxunub.


O Pəhləvinin şah rejimini yada salaraq “Bütün cinayətkarların sonu Pəhləvi kimi olacaqdır. Yəni ya ölkələrindən qaçmalıdırlar, ya da Səddam kimi öz xalqlarının əli ilə edam olunacaqlar. Allah bu aqibəti İsrail, ABŞ və Ali Səudun zalım hökmdarlarının da başına gətirsin. Zalım rejimlər, xüsusən Ali Səud bu aqibəti gözləməlidir. Yəni ya qaçacaqlar. ya da edam olunacaqlar. Bu mənfur ailə də, Pəhləvi ailəsi kimi ölkəni tərk etməlidir.” deyə danışıb.


ABŞ əsgərlərinin İranın dəniz sərhədlərini pozmasına münasibət bildirən imam cümə deyib: “Onlar yalnışlıqla sularımıza daxil olduqlarını deyirlər. Hər nə olur olsun. Afərin, ölkəmizin dəniz qüvvələrinə ki, sərhədlərimizi bu cür şücaətlə qoruyurlar. Bu ABŞ və digər ölkələrə İranın güclü və eyni halda islama uyğun mehribançılığa sahib olduğunu bildirən açıq mesaj idi. Xalqımız və məsullarımız bilməlidirlər ki, ABŞ heç vaxt zorbalıqdan əl çəkən deyil. ABŞ dövləti tağutdur, verdiyi sözləri pozur, zorbalıq edir. Sanksiyları ləğv etsə də, yenilərini tətbiq edəcəkdir. Bu cür zorba bir dövlətlə nə etmək lazımdır? Gərək Qurana baxaq. Quran deyir əgər siz zalıma təslim olsanız onlar zülmlərini daha da çoxaldacaqlar. Nə vaxta qədər onların öz verdiyi sözlərə əməl etmədiyi halda bizə “Afərin! Verdiyiniz sözlərə əməl edirsiz” sözlərinə dözəcəyik? Qurana görə zülmə boyun əymək və razılaşmaq onun kimi böyük günahlardandır. Biz buna reaksiya bildrməliyik və onların zorbalığının önündə durmalıyıq."


İmam cümə daha sonra deyib: "Quran deyir ki, müşriklərlə Məscidul-həramın yanında savaşmayın və Allah evinin ehtiramını qoruyun. Lakin onlar sizinlə savaşarsa siz də onlarla savaşın. Quran onları etdikləri zülm qədər onlara zülm etməyimizi əmr edir. Təkəbbürlünün önündə təkəbbürlü, təvazökarla isə təvazökar olmaq lazımdır. Onlar verdikləri sözlərə xilaf çıxarlarsa, siz də çıxın. Bizim ciddi və şücaətli bir dövlət olduğumuzu ABŞ-a sübut edin. Düşmən bizim zərif ruhumuzdan sui istifadə etməməli, vəfalı olmağınızı qorxu ilə əlaqələndirməməlidir.”


Ayətullah Müvəhhidi Kermani Ərəbistanın bölgədə törətdiyi cinayətlərinə toxunaraq deyib: “Ərəbistan cinayətləri və axmaqlıqları ilə çökmək astanasındadır. Şeyx Nimrin şəhadəti bölgədə və dünyada ciddi reaksiya ilə qarşılandı. Şübhəsiz ki, bu hadisələr onların vəziyyətini mənfiyə doğru dəyişəcəkdir. Bu zülmlər hakimiyyətlərinin davamlı olmasına icazə verməyəcəkdir. Şeyx Nimr nə etmişdir ki, boynunu vurdunuz? Ordusu ya silahı var idimi? O haqqı deyən və etiraz edən biri idi. Etiraz edənin boynunumu vurmaq lazımdır? Onun haqqı bərpa etmə istəyi daima qalacaqdır və Səud hakimiyyətinin çökməsinə səbəb olacaqdır. Siz Allah evinin ehtiramını qorumursunuz. Sizin addımlarınız Əbrəhə hərəkatına bənzəyir. Siz Allahın əzəmət və rəhmətini zədələmək istəyirsiz. Beləliklə Allahın Əbrəhə barədə fərmanının icra olunmasına hazır olun.”