İsrail qüvvələri bir ildə 60 fələstinli qadını qətlə yetirib

Mьəllif: Admin

Tarix: 8-03-2022, 22:16

İsrail rejimi qüvvələri 2021-ci ilin 8 mart tarixindən 2022-ci ilin 8 mart tarixinədək Qəzza sektorunda 60 fələstinli qadın və qızı qətlə yetirib.

İslamazeri.com "palinfo"-ya istinadən xəbər verir ki, bu barədə "Mizan" Hüquq-müdafiə Mərkəzi məluma verib.

Qətlə yetirilən müsəlman qadınların 22-si yetkinlik yaşına çatmayanlardır.

Hesabatda deyilir ki, Qəzzanın 4 qadın sakini sionist rejimin artilleriya zərbəsi, 56 qadın isə hərbi təyyarələrin endirdiyi hava zərbələri nəticəsində həyatını itirib.

Bundan başqa, 248-i yetkinlik yaşına çatmayanlar olmaqla, 645 fələstinli qadın ağır xəsarətlər alıb.

99 fələstinli qadın isə ərlərini itirərək dul qalıb.

İşğalçı rejim fələstinlilərə məxsus 742 yaşayış evini dağıdıb, qadınlara məxsus 211 033 kvadrat metr məhsuldar torpağa isə zərər yetirilib.

32 fələstinli qadın isə İsrail rejimi zindanlarındadır.

« May 2024 »

Ça