Kaladze və Əliyev Gürcüstan-Azərbaycan münasibətləri və strateji əməkdaşlığı müzakirə ediblər

Mьəllif: Admin

Tarix: 14-07-2021, 19:22

Tbilisi meri Kaxa Kaladze Azərbaycan Respublikasının Prezidenti İlham Əliyevlə görüşüb.

24News.ge xəbər verir ki, bu barədə Tbilisi meriyasının mətbuat xidməti məlumat yayıb.

Məlumata əsasən, tərəflər Gürcüstan-Azərbaycan münasibətləri və strateji əməkdaşlığı müzakirə ediblər.

Mətbuat xidməti həmçinin, tərəflər arasında dünən memorandumun imzalandığını, Tbilisi ilə Bakı arasında qardaşlaşmanın vacibliyinin vurğulandığını bildirir:

“Əhəmiyyətli bir razılaşma imzalandı. Bakı və Tbilisi bu gündən qardaş şəhərlərdir, lakin iki ölkə həmişə qardaşlıq və dostluq münasibətlərində olmuşlar.

Azərbaycan şəxsən mənim üçün dost bir ölkədir, burada çox dostlarım var. Energetika naziri olaraq paytaxtınıza tez-tez baş çəkmişəm və gördüyüm kimi gündən-günə Bakı gözəlləşir. Mükəmməl qonaqpərvərliyə görə sizə təşəkkür etmək istəyirəm", - deyə K. Kaladze bildirib.

İclasda Azərbaycan Respublikasının Prezidenti İlham Əliyev Bakı və Tbilisi qardaşlığının əhəmiyyətindən danışıb və Kaxa Kaladzenin Gürcüstan-Azərbaycan münasibətlərinin möhkəmləndirilməsinə şəxsi töhfəsini qeyd edib:

"Azərbaycana xoş gəlmisiniz. Bilirəm ki, dünən Bakı ilə Tbilisi qardaşlaşmasına dair çox vacib bir müqavilə imzaladınız. Ölkələrimiz, xalqlarımız arasında həmişə qardaşlıq münasibətləri olub və bu dəfə paytaxtlarımızın qardaşlaşması qardaşlığımızın təbii davamıdır.

Dünyada çox gözəl şəhərlər var, lakin Bakı və Tbilisi tarixi abidələrə böyük diqqət yetirilərək, özünəməxsus gözəlliyi və mədəniyyəti ilə seçilir.

Bilirəm ki, siz Tbilisinin daha da yaxşılaşdırılması üçün, eləcə də Azərbaycan ilə Gürcüstan arasındakı münasibətlərin inkişafı üçün çox səy göstərirsiniz", - deyə İ. Əliyev qeyd edib.

Xatırladaq ki, Tbilisi meri Kaxa Kaladze dünən Azərbaycana rəsmi səfər edib.

« Aprel 2024 »

Ça