Sünni və şiə alimlər Kərbəlada görüşdü

Mьəllif: admin1

Tarix: 13-10-2018, 20:40

Kərbəlada şiə və sünni alimlərinin iştirakı ilə konfrans keçirilib.

Deyerler.org Parstoday-a istinadən xəbər verir ki, Kərbəladakı konfransda iştirak edən din alimləri və jurnalistlər Qərb mediasının İslam dünyasına qarşı xəbərlərini müzakirə ediblər.

Konfransın açılış çıxışını edən Ayətullah Seyid Əli Sistaninin nümayəndəsi Şeyx Abdulmehdi Əl-Kərbəlayi təşkil etdiyi konfrans iki gün davam edib.

Şeyx Kərbəlayi konfransda etdiyi çıxışında, sünni və şiələrin təkfirçi vəhhabi İŞİD terror təşkilatına qarşı birlikdə mübarizə apardığını vurğulayıb: “Sünnilər və şiələr, bütün iraqlılar bir yerə yığışdı və təkfirçi-vəhhabi İŞİD terror təşkilatına qarşı mübarizə apardılar və hamı birlikdə qələbəyə nail oldular”.

2014-cü ildə Mosulun İŞİD-in əlinə keçməsindən sonra Əl-Həşduş Şəbinin Ayətullah Sistaninin fətvası qurulduğu bildirilərək, şiə və sünni iraqlıların İŞİD-lə mübarizəsi üçün Əl-Həşduş Şəbinin çətiri altına birləşdiyi vurğulanıb.

Konfransda müsəlman dünyasını parçalamağı qarşısına məqsəd qoyan Qərb mediası ilə də fəal mübarizə aparmağın əhəmiyyəti mövzusunda fikir birliyi təmin olunub.

Konfransda çıxış edənlər arasında İraqın sünni alimlərindən fəllucəli Şeyx Məhəmməd Əl-Nuridə var idi.

Qərb mətbuatının İraqda İŞİD-ə qarşı aparılan mübarizə barədə yalan məlumatlar verdiyini qeyd edən əhli-sünnə alimi Şeyx Məhəmməd Əl-Nuri, Əl-Həşduş Şəbinin İŞİD-lə mübarizədəki rolundan təriflə bəhs edib.

Əl-Həşduş Şəbinin məzhəbi bir təsisat olduğunu söyləyənlərin yalan söylədiyini qeyd edən Şeyx Əl-Nuri belə deyib: “İraq xalqının məzhəbçi olduğunu iddia etmək yalan söyləməkdir”.

“Kərbəla hadisəsinin uşaqları ilə Fəllucənin oğullarının qanı bir-birinə qarışmışdı. Qələbə hamımızın axıtdığı bu qan ilə əldə edildi”, - deyə əhli-sünnə alimi bildirib.

« Aprel 2024 »

Ça