Türkiyə və Rusiyadan İrandakı etiraz və iğtişaşlarla bağlı açııqlama

Mьəllif: admin1

Tarix: 2-01-2018, 14:59

İslamazeri.com TRT-yə istinadən xəbər verir ki, Türkiyə Xarici İşlər Nazirliyi İranda 20-dən artıq şəhərdə davam edən etiraz aksiyalarına münasibət bildirib. Açıqlamada İranda dekabrın 28-də başlayan etiraz aksiyalarının yayılaraq davam etdiyi və baş verən hadisələrdə ölənlərin olduğu, həmçinin ictimai binara ziyan yetirildiyi barədəki xəbərlərdən naharatlıq duyulduğu vurğulanıb.

Açıqlamada Türkiyənin dost və qardaş İranın ictimai dinclik və sabitliyinin qorunmasına böyük əhəmiyyət verdiyi bildirilərək qeyd olunub ki, prezident Həsən Ruhaninin xalqın sülhməqsədli nümayiş keçirməyə haqqı olduğu, ancaq qanunların tapdalanması və ictimai mülkə zərər yetirilməsi barədəki açıqlaması nəzərdə tutularaq zorakılıqdan və təxribatçılıqdan imtina edilməlidir.

Açıqlamada həmçinin “Yaxın zamanda bu ölkədə dincliyin təmin edilməsini və məntiqin qələbə çalaraq hadisələrin artmasının qarşısının alınmasını, hadisələri təhrik edəcək ifadələr və xarici müdaxilələrdən imtina edilməsini diləyirik” ifadələrinə də yer verilib.

Rusiya: İrana xarici müdaxilə yolverilməzdir...

Məsələ ilə bağlı Rusiyadan da, açıqlama gəlib. İrandakı etiraz aksiyalarının zorakılıq və qan axıdılaraq şiddətləndirilməməsinə ümid etdiyini bildirən Rusiya Xarici İşlər Nazirliyi ölkəyə xarici müdaxilənin qəbul edilə bilməyəcəyini vurğulayıb.

Nazirliyin açıqlamasında bildirilib ki, İranda 5 gündür davam edən etiraz aksiyaları ölkənin daxili məsələsidir. Hadisələrin zorakılıq və qan axıdılaraq şiddətləndirilməməsinə ümid edilir. Ölkədəki vəziyyəti sabitsizləşdirə biləcək xarici müdaxilələr qəbul edilə bilməz.

« Aprel 2024 »

Ça