Qüds Rəzəvi ostanının xarici zəvvar işləri qurumunun sədri Seyyid Məhəmməd Cavad Haşiminejat Kəramət ongünlüyü münasibətilə mütəhhər hərəmdə xarici ziyarətçilərə xüsusi 24 mədəni proqramın təşkil olunacağını qeyd edib. O, İmam Rza (ə) və o həzrətin sevimli bacısı Həzrət Məsumənin (s.ə) mübarək mövludlarının ildönümü münasibətilə mütəhhər hərəmdə ərəb, urdu və Azərbaycan dilində olmaqla 3 dildə xüsusi müxtəlif mədəni proqramların təşkil olunacağını bildirib. Haşiminejat bu müddət ərzində iranlı olmayan xarici uşaqlar və yeniyetmələr üçün də iyulun 25-dən başlamaqla 10 gün ərzində xüsusi şənliklərin keçiriləcəyini bildirib.

Qüds Rəzəvi ostanının himayədarının vəkili Seyid Mürtəza Bəxtiyarı Kəramət ongünlüyü tədbirləri haqqında mətbuat konfransı keçirib.

Seyid Mürtəza Bəxtiyarı, builki Kəramət ongünlüyü proqramları haqqında açıqlama verib: "Bu il Kəramət öngünlüyü çərçivəsində 513 təsdiq edilmiş proqram keçiriləcək. Bu proqramlardan 182-si müqəddəs Qüds Rəzəvi ostanında və müqəddəs Məşhəd şəhəri səviyyəsində keçiriləcək, 250 proqram İranın müxtəlif əyalətləri səviyyəsində, 59 proqram milli səviyyədə, 22 proqram beynəlxalq səviyyədə və bundan başqa 13 xüsusi və müəyənləşmiş proqram və həmçinin 22 yeni və əvvəlki illərdən fərqli proqram təşkil olunacaq".