Qeyd edək ki,Qabun kvartalı son zamanlaradək terrorçuların Dəməşq şəhərinin şərq yaxınlığındakı ən mühüm istinadgahlarından biri idi. Suriya ordusu 1 aydan çox idi ki, Qabunda "Nusra Cəbhəsi” terrorçularına qarşı aktiv hərbi əməliyyatlar apararaq, onların mövqelərini məhv edib. Terrorçular həmin mövqelərdən Dəməşq şəhərinin yaşayış kvartallarını atəşə tuturdular.

Ötən həftənin əvvəlində ölkə rəhbərliyi və bir sıra qeyri-qanuni silahlı dəstələr arasında son razılıq əldə edilib. Həmin sazişə əsasən terrorçuların bir qismi və onların ailə üzvləri Qabunu tərk edərək, İdlib istiqamətində yola düşüblər. Terrorçuların digər hissəsi isə - "Nusra Cəbhəsi” terror təşkilatının tərkibinə daxil olmayanlar - Suriya Prezidenti Bəşər Əsədin əmri əsasında qəbul edilmiş amnistiyanın qarşılığında silahı yerə qoymaq qərarını qəbul ediblər.