Ayətullah Nuri Həmədani fiqh dərsində önəmli məsələlərdən danışıb

İslamazeri-nin İranın Qum hövzəsinin rəsmi saytına istinadən verdiyi xəbərə əsasən, böyük təqlid mərcələrindən olan ayətullah Nuri Həmədani Orta Şərq regionundakı proseslər barədə danışıb.

Qumun “Əzəm” məscidində keçirilən fiqh dərsində ayətullah Həmədani bildirib: “Ayətullah Burucerdinin zamanında Qahirə ilə gözəl əlaqələrimiz var idi və orda olan məsul şəxsin Əhli-Beyt tərəfdarları ilə rabitəsi gözəl idi. Hazırda Səud rejimi neftdən əldə etdikləri pulu ixtilaf yaratmaq və şiələri əzmək üçün istifadə edir. Onların dəstəklədiyi təkfirçi qruplar Əhli-beyt əqidəsini aradan aparmaq üçündür. Səud rejimi deyir ki, harda nə fəaliyyət edirsiz edin, təki Əhli-beytə qarşı olsun, pulu mənlikdir.
Biz Səudiyyə Ərəbistanında Əhli-Beyt tərəfdarlarını aradan aparmaq üçün xüsusi təşkilatın mövcudluğundan və bu qrumun büdcəsinin hətta bir sıra dövlətlərin büdcəsindən belə çox olmasından xəbərdarıq.
Onlar şiələrin qəlblərini də, qəbirlərini də dağıdırlar.
Tələbə və ruhanilər yalnız iclaslarla kifayələnməməli və bu problem üçün digər çıxış yollarına da əl atmalıdırlar. Həmin müsəlman ölkələrdə Seyid Nəsrullah kimi biriləri tapılsa və zalımların qarşısında kəfən geyinsə, bunların planları zərərsizləşdiriləcəkdir.”
islamazeri.az