Misirin məşhur komediya aktyorlarından olan və Seyyid Zəyan kimi tanınan Atiyə Süleymani Qurani-Kərimi tam əzbərləyib bitirdikdən sonra şəfa tapıb.

Misir mətbuatının yazdığına görə, doqquz il bundan öncə insult keçirərək iflic olan Seyyid Zəyan evdə "məhbus" olduğundan, bir müddət sonra mübarək Qurani-Kərimi əzbərləməyə başlayır. Qurani-Kərimi tam əzbərlədikdən sonra onun həyatında ilahi möcüzə baş verir. Belə ki, Qurani-Kərimi əzbərlədikdən sonra Allahın lütfü ilə şəfa tapmışdır.

Bu xəbərdən sonra məşhur aktyoru müayinə edən həkimlər bu işin təəccüb doğurucu bir şey olduğunu bildirərək bu hadisənin Allahın möcüzəsi adlandırıblar.

Qurani-Kərimi əzbərlədikdən sonra şəfa tapan Seyyid Zəyan özü isə yenidən səhnəyə qayıdacağını açıqlamış və bildirmişdir ki, amma bundan sonra yalnız dini kinolarda çəkiləcəkdir.