Allahın xüsusi bəndələrinin 5 xüsusiyyəti
Mьəllif: admin1
Tarix: 27-11-2022, 10:03
Allahın xüsusi bəndələrinin 5 xüsusiyyəti
Qurani-Kərimdə buyurulur: “Rəhman (olan Allah)ın (həqiqi) bəndələri yer (üzün)də sakit və təvazökarlıqla yol gedən və nadanlar (xoşagəlməz sözlərlə) onlara xitab edən zaman «salam» (xoş və yumşaq söz) deyən kəslərdir. Və o kəslər(dir) ki, gecəni Rəbblərinin qarşısında səcdə edən və dayanan halda gündüz edərlər. Və o kəslər(dir) ki, «ey Rəbbimiz, cəhənnəm əzabını bizdən dəf et, ki, həqiqətən onun əzabı (cəhənnəm əhli üçün) ayrılmaz və həmişəlikdir» deyərlər.

Şübhəsiz, cəhənnəm pis yer və pis məskəndir. Və o kəslər ki, (Allah yolunda) xərcləyən zaman nə israf edərək həddi aşar, nə də simiclik göstərərək həddən aşağı enərlər, (onların əməli) bu iki yolun arasında orta həddə və ədalətli olar.

Və o kəslər ki, Allahla birgə başqa məbud çağırmır, Allahın möhtərəm və toxunulmaz etdiyi canı (qisas, şəri cəza və sairə kimi) haqq (qətllər) istisna olmaqla, öldürmür və zina etmirlər. Kim bunları etsə, (ağır) bir cəza ilə qarşılaşar”. (“Furqan” 63-68).

Bu mübarək ayələrdə Allahın xüsusi bəndələrinin 5 xüsusiyyəti bəyan edilmişdir ki, onlara diqqət edək və özümüzdə bu sifətləri gücləndirək:

1. Yer üzündə təkəbbürlə yol getməz və təvazökar olarlar. Allahın xüsusi bəndələri özlərini əxlaqın rəzil sifətlərindən pak edir və nəfslərinin islahı ilə məşğul olurlar. Ona görə də heç bir zaman təkəbbür etməz və lovğalanmazlar. Əksinə, çox təvazökar və sadə insanlar olarlar.

2. Başqaları ilə yaxşı rəftar edərlər. Allahın xüsusi bəndələri çalışarlar ki, hamı ilə yaxşı münasibətdə olsunlar. O zaman ki, nadanla rastlaşarlar, onlarla da səbir və alicənablıqla rəftar edərlər.

3. Allahla rabitə qurmaq üçün xüsusi zamanları vardır. Bu insanlar gündüz ibadəti ilə yanaşı, Allahları ilə gecə də rabitədə olar və Ona ibadət edərlər.

4. İnfaq əhlidirlər, ancaq israf etməzlər. Bu insanların yoxsullara xüsusi diqqət və inayəti vardır. Lakin bu işdə də ifrat etməzlər.

5. Allah Təalaya xaliscəsinə müti olarlar. Onlar heç bir şeyi Allaha şərik qoşmazlar. Onlar ancaq Allah razılığını düşünən insanlardırlar. Ona görə də günah etmir və Allahın haramlarından çəkinirlər.


/Deyerler.org/
Oxşar xəbərlər
«    Aprel 2024    »
BeÇaÇCaCŞB
1234567
891011121314
15161718192021
22232425262728
2930