İmam Əli (ə) Tövratın hikmətlərini bizim üçün belə xülasələşdirdi

Mьəllif: admin1

Tarix: 26-08-2017, 15:19

İmam Əli (ə) Tövratın hikmətlərini bizim üçün belə xülasələşdirdi

Həzrət Əli (ə) kəlamları daima öz ecazkarlığı və mətləblərinin mühümlüyü ilə insanları valeh edir. Əli (ə) bizə gəlib yetişən kəlamlarının birində Müqəddəs Tövratdan kəlimələr seçərək, Allahla bəndə arasında möhkəm bağ yaradacaq mühüm amillərə işarə edir. Özünün hər gün bu kəlimələrə diqqət etməsini vurğulayaraq, mövzunun əhəmiyyətini çatdırır və bizim də diqqət etməyimizi istəyir.

Bu seçilmiş kəlimələrə diqqət edən, öz həyatının hər anına tətbiq edən insan demək olar ki, insanlıq zirvəsini fəth etmiş olur. Həzrət Əli (ə) Tövratdan seçib bizə çatdırmaq istədiyi hikmət dolu kəlmələrə işarə edərək buyurur:

Tövratdan on iki ayə seçib ərəb dilinə tərcümə etdim və gündə üç dəfə onlara nəzər salıram...

1. Ey Adəm övladı! Nə qədər ki, Mənim səltənətim əbədidir, rəhbərlərdən, rəislərdən qorxun olmasın.
2. Ey Adəm övladı! Nə qədər ki, Mənim xəzinələrim doludur, başqasına ümidvar olma.
3. Ey Adəm övladı! Nə qədər ki, Məni tapırsan, başqası ilə ülfət yaratma, çünki, istənilən vaxt çağırsan sənə yaxın və sənə qarşı mehribanam.
4. Ey Adəm övladı! Mən səni sevirəm, sən də Məni sev.
5. Ey Adəm övladı! Nə qədər ki, Sirat körpüsündən keçməmisən arxayın olma.
6. Ey Adəm övladı! Hər şeyi sənin üçün yaratmışam, səni isə Özüm üçün, Məndən necə qaçırsan?!
7. Ey Adəm övladı! Səni ilk öncə torpaqdan, sonra nütfədən yaratdım, nütfəni çeynənmiş ət parçasına çevirib səni xəlq etdim.
8. Özünə xatir Mənə qəzəblənirsən, lakin, Mənə görə özünə qəzəblənmirsən.
9. Mənim qoyduğum vəzifələri icra etmək sənin öhdənə düşür, sənin ruzin isə Mənim öhdəmə.
Sən vəzifələrini yerinə yetirməkdən boyun qaçırsan da, Mən öz öhdəmdə olanı–bəndəmin ruzisini verməyi daim yerinə yetirirəm.
10. Ey Adəm övladı! Hamı səni özləri üçün istəyir, Mən isə səni sənin özündən ötrü istəyirəm.
Elə isə Məndən qaçma.
11. Necə ki, Mən səndən sabahın vəzifələrini tələb etmirəm, sən də Məndən sabahın ruzisini tələb etmə.
12. Əgər, öz qismətinə razı olsan, sənin qəlbini və bədənini rahat edərəm, yox əgər, narazı olsan səndə dünyaya qarşı tamah yaradaram. Nə qədər ardınca qaçsan da öz qismətindən başqa bir şey ələ gətirə bilməzsən.

(İslaminSesi)

« May 2024 »

Ça