İnsan o zaman ki, təfəkkür edər – özünə deyər ki, həsəd pis əməldir. Mən axı niyə həsəd aparıram. Allah mənə elə şeylər vermişdir ki, ona verməmişdir. Bu fikirlər qəlbimizi təsir altına salar və etiqadlarımızı hissi edər. Bu, təfəkkürün hünəridir.

Ona görə də hədislərimiz deyir ki, təfəkkür etmək bəzən ibadətlərdən daha üstündür. Çünki düşünmək insanı tərbiyə edər və şəxsiyyətini formalaşdırar. Ancaq hər təfəkkür yox, İlahi təfəkkür.

İkinci şey – təmrin etməkdir. Bacardığımız qədər qarşımıza məqsədlər qoyaq və onların yerinə yetirilməsini kontrol edək. Hər axşam özümüzü mühasibə edək. Uğurlara görə şükür edək, xətalara görə tövbə edək. Müəyyən vəziyyəti fiksə edək və pisləşməsinə imkan verməyək. Hansısa dərəcəyə çatdıqdan sonra, durumu təhlil edək. Mənfi və müsbət cəhətlərimizi aydınlaşdıraq. Mənfi xüsusiyyətləri nəzarətə götürək və minimallaşdırmağa çalışaq.