"Hər kim hər gün nəfsini mühasibə etməz - bizdən deyildir”
Mьəllif: admin1
Tarix: 19-04-2017, 23:34
"Hər kim hər gün nəfsini mühasibə etməz - bizdən deyildir”
Quran ayələri bir İmamın (ə) risaləti barəsində buyurur: “Onları (yaşadıqları cəmiyyəti) Bizim əmrimizlə doğru yola yönəldən rəhbərlər etdik və onlara xeyir işlər görməyi, namaz qılmağı və zəkat verməyi vəhy etdik. Onlar yalnız Bizə ibadət edirdilər”. (“Ənibya” 73).
“Səbir etdikləri və ayələrimizə (Tövratın ayələrinə) yəqinliklə inandıqları üçün Biz onlardan əmrimizlə (insanlara) haqq yolu göstərən imamlar təyin etdik”. (“Səcdə” 24).
Bu nurani ayələrdən belə nəticəyə gəlmək olur ki, İmamın (ə) əsil işi – insanları haqq yoluna hidayət etmək olmalıdır. İmam (ə) o kəsdir ki, insanları behiştə gedən yola sövq etsin. Belə İmamı – “İmami ilə cənnə” adlandırırlar. Adını “imam” qoyub, insanları cəhənnəmə tərəf çəkən rəhbərlərə isə “İmam ilə nar” deyirlər. Ona görə də Quranda kafirlərin rəhbərləri də imam adı ilə adlandırılmışdır. “(Bu) küfr başçıları ilə vuruşun ki, onların heç bir öhdəçilikləri yoxdur”. (“Tövbə” 12).
Firon Qiyamət günü atəşə tərəf hərəkət edəcəkdir və ona itaət edənlər də onun ardınca olacaqlar. Necə ki, dünyada küfr və şirkə dəvət edirdi, Qiyamət günü cəzası atəş olacaqdır.
İmamət səmasının yeddinci ulduzu olan Musa ibni Cəfər (ə) də Allahın təyin etdiyi İmamlardan idi ki, risaləti haqqa tərəf hidayət etmək olmuşdur. (Tebyan)
İmamın (ə) həyatının çox hissəsi zindanda keçmişdir və Həzrət Kazim (ə) bu zindan həyatını fürsət bilib, Allaha ibadət etmək üçün dəyərləndirmişdir. Həzrətə (ə) nəzarət etmək üçün təyin edilən casusların verdiyi məlumata görə, İmam (ə) duaların çoxunda buyurarmış: “Allahım! Sən bilirsən ki, mən Səndən ibadət üçün xəlvət yer istəmişdim. Sən belə bir yeri mənim üçün hazırlamısan. Şükür sənə aiddir”.
Deyilənə görə, İmam (ə) gecə və gündüz ibadətlə məşğul olardı. Bütün gecəni Quran oxuyar, namaz qılar və dua edərdi. Günlərin çoxunda oruc olardı və üzünü ibadət mehrabından heç bir zaman çevirməzdi.
Harunun İmamı (ə) incitmək etmək üçün zindana göndərdiyi kənizin hekayəsi məşhurdur. İmam (ə) bu gözəl və zirək kənizi tövbə etməyə və ibadət etməyə sövq etmişdi. O zaman ki, kənizi Harunun yanına apardılar gördülər ki, İlahi qorxudan titrəyir. Gözünü səmaya dikib namazla məşğuldur. Ondan soruşdular: “Bu nə haldır ki, sən düşmüsən?”. Deyir: “Saleh bəndəni gördüm ki, bu cür idi!”.
İmam Kazım (ə) buyurur: “Hər kim hər gün nəfsini mühasibə etməz - bizdən deyildir”.
Biz gərək bu Məsum İmamın (ə) göstərişinə əməl edək və özümüzü hər gün hesaba çəkək və görək ki, nə qədər yaxşı və pis iş yerinə yetirmişik. Yaxşı əməllərimizə görə şükür edək və pis əməllərimizə görə tövbə edək.
Bu əziz İmamın (ə) atası İmam Sadiqdən (ə) belə bir dəyərli hədis vardır: “Hər kimin iki günü eyni olar – zərər etmişdir. Hər kimin sabahısı dünənindən daha yaxşı olar – bəhrə aparmışdır. Başqaları tərəfindən qibtə edilə bilər. Hər kimin sabahısı dünənindən daha pis olarsa – Allahın lənətinə səbəb olar və rəhmətindən uzaqdır. Hər kim daxilində inkişaf görməz – deməli, nöqsana tərəfdir. Hər kimin ki, üzü nöqsana tərəf olar – ölüm onun üçün yaşamaqdan daha yaxşıdır”.
Allah bizləri Məsum İmamların (ə) həqiqi davamçılarından qərar versin!

/Deyerler.org/
Oxşar xəbərlər
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031