GECƏNİ SÜBHƏ QƏDƏR NAMAZ QILANLAR

Mьəllif: admin1

Tarix: 4-01-2022, 19:40

Allah-taala “Furqan” surəsində özünün yaxşı bəndələrinin səciyyələrindən birinin gecəni sübhə qədər namaz qılmaq olduğunu qeyd edir:

“Onlar gecəni Rəbbi üçün səcdə və qiyam (namaz) halında keçirərlər”. (“Furqan”, 64.)

Belə ki, bu şəxslər gecə yarısı yuxudan oyanır, heç kəs onları görmədən, səmimi, saf niyyətlə Allahla razü-niyaz, ibadət, münacat edirlər. Həzrət Peyğəmbər (s) gecə namazını möminlərin izzəti sayaraq buyurur:

“Möminin şərəfi gecə yuxudan durub namaz qılmaq, izzəti isə başqalarından ehtiyacsız olmaqdadır” (“Bihar əl-ənvar”, c. 77, səh. 120.)

Həzrət Əli (ə) isə buyurur: “Gecəni çox yatan şəxs (yəni gecə namazı qılmasa), elə əməlləri itirmiş olur ki, onları gündüz əldə edə bilməz”. (“Ğürər əl-hikəm”, hədis. 289.)

Başqa bir hədisdə İmam Sadiq (ə) buyurur:

“Allah-taala Musa ibn İmrana buyurdu: “Ey İmranın oğlu, Məni sevdiyini güman edən, gecə qaranlığında isə gözlərini bağlayanlar (yatanlar) yalan deyirlər, (məgər dost dostu ilə etdiyi söhbətdən ləzzət almazmı?” (“Bihar əl-ənvar”, c. 13, səh. 329.)

O həzrət digər bir hədisdə gecə namazının əhəmiyyəti haqqında buyurur:

“Gecə namazını əldən vermə. Həqiqətən, gecə namazından məhrum olan şəxs ziyankardır”. (“Bihar əl-ənvar”, c. 83, səh. 127.)

Doğrudur, ayədə sözügedən “يَبِيتُونَ” ifadəsinin mənası gecəni sübhə qədər səcdə və qiyam halında sübh etməyə deyilir. Lakin, məlumdur ki, ayədə əsas məqsəd gecənin müəyyən bir hissəsini Allaha ibadət etmək nəzərdə tutulmuşdur.

« Aprel 2024 »

Ça