Xəbər verdiyimiz kimi, İçərişəhər “Cümə” məscidinin dini icmasının imam camaatı, DEVAMM (Dini Etiqad və Vicdan Azadlıqlarının Müdafiə Mərkəzi) sədri, ilahiyyatçı-filosof Hacı İlqar İbrahimoğlu Gürcüstan Əhli-beyt (ə) Cəmiyyətinin dəvəti ilə Gürcüstanda səfərdə olub. Səfərdə Hacı İlqar İbrahimoğlu ilə birgə Dəyərlər Oxucular Klubunun və Gənc Əhlibeytsevərlər Forumunun moderator və fəalları da iştirak edib.



Deyerler.org müxbirinin verdiyi xəbərə görə, Hacı İlqar İbrahimoğlu Gürcüstan Əhli-beyt (ə) Cəmiyyətinin nəzdində fəaliyyət göstərən Əhli-beyt (ə) aşiqləri Forumu və “Zeynəb (s.ə)” Qadınlar Birliyinin təşkilatçılığı ilə Marneuli Mədəniyyət Evində keçirilən “Qəm qəhrəmanı Zeynəb (s.ə)” adlı tədbirə qatılıb. İlahiyyatçı-filosof tədbirdə “Aşuranın əsas hədəf və mahiyyəti” mövzusunda geniş nitq söyləyib.












Hacı İlqar İbrahimoğlu ilahiyyatçı Hacı Rasim Məmmədovun sədri olduğu Gürcüstan Əhli-beyt (ə) Cəmiyyətində olmuş, cəmiyyətin, habelə onun nəzdində fəaliyyət göstərən qurum və təşkilatların fəaliyyətləri ilə tanış edilmişdir. Burada Hacı İlqar İbrahimoğlu “İslammediaTV”yə geniş müsahibə vermişdir.










Elə həmin gün ilahiyyatçı-filosof Marneuli “İmam Əli (ə)” məscidində olmuş, məscidin axundu Hacı Hacıyev və inanclılar ilə görüşlər keçirmişdir.









Növbəti gün Dəyərlər Oxucular Klubu və Gənc Əhlibeytsevərlər Forumu, həmçinin Gürcüstan Əhli-beyt (ə) aşiqləri və “Zeynəb (s.ə)” Qadınlar Birliyinin birgə təşkilatçılığı ilə “Marneuli Aşura Konfransı” keçirilib. Konfransa əsasən “Dünyada Aşura” və “İslamofobiya” mövzuları geniş prezentasiyalarla təqdim olunmuşdur. Konfransda çıxış edən Hacı İlqar İbrahimoğlu konfransın işini dəyərləndirmiş, belə bir konfransın keçirilməsinin önəmindən danışmışdır.















İlahiyyatçı-filosof Hacı İlqar İbrahimoğlu Tiflisin “Cümə” məscidi, Marneulinin “İmam Hüseyn (ə)” məscidi, “Seyidlər ziyarətgahı”, “Sultane Qeys” (Qeys ibni Səd ibn Ubadə İmam Əli (ə) və İmam Həsən (ə) xusisi səhabələrindən biri) ziyarətgahlarında olmuş, həmin yerlərdə ruhanilər və inanclılarla görüşmüş, ziyarətgahların tarixi ilə yaxından tanış edilmişdir.


















Növbəti günlərdə Dəyərlər Oxucular Klubu və Gənc Əhlibeytsevərlər Forumunun moderator və fəalları ilə birgə qədim Borçalı elinin müxtəlif tarixi yerlərinə səfərlər olmuş, həmin yerlərin tarixi və əhalisi ilə yaxından tanışlıq olmuşdur.


Deyerler.org