Ahlibeyt.ge xəbər verir ki, dünən görkəmli din alimi, Azərbaycanda, Gürcüstanda və eləcə də türkdilli xalqların arasında dini təbliğ və təlim sahəsində fəaliyyətləri, söhbət və əsərləri ilə tanınan Höccətül İslam vəlmüslimin Seyid Əliəkbər Ocaqnejadla bağlı tədbir keçirildi.

Gürcüstan Müsəlmanları İdarəsinin təşəbbüs və təşkilatçılığı ilə keçirilən tədbirdən məqsəd ömrünün 60 ilini tamamlayaraq 25 ildən çox müddət ərzində Azərbaycan üzrə Ayətullah Seyyid Əli Xameneinin səlahiyyətli nümayəndəsi olaraq xidmət göstərən bu dəyərli din aliminin əməyini dəyərləndirmək, dini xidmətlərindən dolayı təşəkkür etmək və əsərlərini tanıtdırmaq idi. Tədbirdə eyni zamanda onun Gürcüstanda yeni çap olunan "Fikir damlaları” kitabının da təqdimatı oldu.