Ahlibeyt.ge xəbər verir ki, 2016-cı ilin may ayının 23-24-ü Tehran universitetində xarici tələbələrin ölkələrini tanıtımı adlı 6-cı beynəlxalq sərgi keçirildi.

Kamran Məmmədov, Tehran universitetinin beynəlxalq huquq fakultəsinin magistr tələbəsi "Ölkəni tanıtıma" sərgisində Gürcüstanı təmsi etdi.

Kamran Məmmədov sərgidə bir çox maraqlı anlarla qarşılaşıb, onları bizlərnən bölüşüb. Onlardan bir neçəsini burda sizinlə paylaşmaq istədim.

Deməli ilk olaraq qeyd edim ki, Gürcüstana aid stenddə Gürcüstan səfirliyi bəzi sahələrdə yardımlar etdi ancaq iranlıların hər zaman Gürcüstana maraqı fərqli olduğu üçün yaxınlaşıb suallar soruşmaqla ölkəmizlə daha yaxından tanış olurdular.

İlk maraqlı məqamlardan biri Gürcüstan stendinin adı ingilis dilində yazılması idi, yəni "Georgia". Bəzi iranlılar Amerikanın "Georgia" ştatı ila səhv salırdılar və çox təəccüblə baxırdılar. (Bu arada bunu da qeyd edim ki, Gürcüstanı ərəblər Georgia olaraq tanıyır. ) Elə buna görə bir çox iranlılar ilk olaraq hansı ölkə olduğunu soruşurdular. Fars dilində isə Gürcüstana " Qorcestan" deyilir. Bu adı deyəndə Gürcüstana qarşı xoş təəssüratları özünü biruzə verirdi.

Ancaq Gürcüstanı nəyi ilə tanımaları da maraqlı idi. Bir çoxu Gürcüstanı gözəl təbiəti, qədimi turistlik yerləri ilə tanıdığını deyirdi, bəziləri məşhur güləşçiləri bəziləri isə əvvəllər futbolçu olmuş Kaxa Kaladze ilə tanıyırdılar.

Başqa maraqlı məqamlardan biri isə gürcü əlifbasına qarşı simpatiyalarının olması idi. Yazılışı çətin olsa da gözəl yazılış formasının olduğunu deyirdilər.